Casa de los telaires y atros rellatos, La.

Sinopsis
Estes rellatos están inclluius al llibro Be regulá, que l'autor va autopubllicar en l'año 2017. Pa conformar esta cudiada edición s'han repasau y correchiu.
Toz estam espuestos a las más variadas alversidaz, ben seigan cercustancias cutianas que mos destorotan, dificultaz emocionals que mos fan repllantiar lo que cal fer u desferras fisicas que mos oblligan a chirar el rumbo. La uno que se i chunta con el que paez que'n sabe de tot, l'atro que le toca d'esllegir si conviene más dir te quiero u astí te las apañes , y tamé está aquel al que la violencia l'ha cambiau de medio a medio.
.
Necesitam que mos feigan caso y que se precupen de nusatros; é llei de vida. La chen, pa llograr ixe fin, fa lo que i puede. Podem recllamar u nomás chugar con la imaginación, tirar mano de la ironía u rader anda el tuetano.
.
Estas historias miran de refllejar que concarar-se al mundo no é brenca fácil. Con tot y con ixo, pensaz que siempre é posiblle trobar una atra puerta. La cllau no está guaire amagada.